陳琪人工流產雖保住子宮但無法再生寶寶

　　現年40歲的無線藝員陳琪與老公胡諾言(胡仔)結婚五年，育有兩名分別五歲及兩歲的女兒，由於老公一直恨仔，陳琪早前再度懷孕，滿心希望可以一圓老公心願，但卻意外小產，她說：“舊年11月我意外有咗，我哋唔容易有BB，試咗22個月，拍《點金勝手》期間睇醫生，話我有咗5個星期，但有日開廠唔舒服，去到醫院已經見紅(流血)，留院一照，發現BB元心跳，醫生安慰我：‘可能BB未ready嚟呢個世界，唔好睇得咁嚴重’，我接受到，仲問點樣整番BB出嚟，醫生建議自然排出，但等咗兩星期都冇動靜，好唔正常!”

　　兩個醫生八個護士圍住

　　陳琪續說：“之後醫生建議我人工流產，手術好簡單，大概15分鍾，我仲諗住一點鍾做，做完約人食飯，但到我醒番，已經三點，屋企人喺曬度，護士同我講：‘同屋企人揮嚇手’，我心諗咁怪嘅?仲成床血，我感覺張床單被我啲血整到濕曬，食凝血藥後又嘔又暈，血壓跌得好緊要，醫生話要揾個高級外科醫生幫手，六點前搞唔掂，要切除子宮，當時兩個醫生八個護士圍住我，我感到前所未有咁驚!”

　　險子宮不保

　　幸好最後關頭，陳琪仍能保住子宮，她說：“醫生幫我止血，結果真係唔再流血不止，算係保住個子宮，但醫生話風險太大，唔主張我再有小朋友，媽媽或者個BB會有危險，但老公好失望，佢一直恨有個仔，佢話：‘雖然子宮係冇切到，但醫生咁講同切咗冇分別’。我本來好想追究醫院，但睇咗幾個醫學權威，都話現時醫學上有好多流血不止個案都係解釋唔到，我無奈接受現實。我好樂觀，就算最嚴重