雙料影帝張兆輝重回TVB與陳敏之拍《性在有情》值得期待

　　早前憑鬼片《恐怖在線》成「雙料影帝」的張兆輝除了演技好，亦非常好腳頭，每次重返「娘家」拍劇都會有好收視。最近，輝哥又再披甲上陣，跟「索人妻」陳敏之及《使徒行者》當紅監製文偉鴻聯手打「性戰」，拍攝以性為題材的趣劇《性在有情》，開工幾日，輝哥坦言：「劇本真係好爆，好大膽，希望觀眾可以接受到新事物啦。」據知輝哥同敏之在劇中滿口性事，非常踩界，完全是電視史上一次破格之作。

　　「索腿天後」陳敏之出名長腿又肯搏，在新劇中她飾演一位性治療師，張兆輝係性社工，兩個人拍住上跟進個案，敏之仲會用身體語言及對白講解問題，劇中亦會涉及到露骨的性事及話題，加插錯摸橋段，如誤以為叫?聲而鬧出的笑話，務求用輕鬆手法包裝，以減淡鹽花，希望增強觀眾對呢個創新搞笑戲的接受能力，連輝哥都忍不住發話：「此片性事大膽，是不是很激情?你看了就知道了。」

　　向來低調含蓄的輝哥坦言被新鮮題材吸引，才回巢打仗：「電視史上從未試過拍過這種題材，而且同阮兆祥及許紹雄呢搞笑組合一齊演出，應該都會幾好玩。自97年演過《闔府統請》之後我就沒再拍過喜劇，要令到觀眾會心微笑，劇本好重要。其實早於99年經已同當年仲係編導文偉鴻合作拍《非常保鏢》，當時已充份表現到獨立創作思想，係可造之才。」

　　題材吸引返「娘家」

　　問到雙料視帝重返是否片酬更貴?他哈哈大笑，有所保留說：「獎項其實係一個鼓勵，我要提醒自己更加努力，所拍作品一個要比一個好。」