吳綺莉現身跑馬地為減肥忍住買飲品

　　吳綺莉(Elaine)近年帶埋小龍女(吳卓林)回港生活，拍劇做主持，閑時畫畫或約娛圈老友記High Tea，生活不算大富大貴，但萬事靠自己，成件事好正能量，不過，早前有傳Elaine暴瘦惹來厭食疑雲，其實當事人實行超癲豆腐減肥法，四個月減了廿磅，難怪上周六見到她到便利店想買飲品，但滿目加工肥仔水，唔願飲水的她無得揀，買完煙即撇。

　　17歲選亞姐，26歲生下女兒吳卓林，今年42歲的吳綺莉從上海回流香港五年，因為要做節目經常要見人，覺得自己好肥的Elaine自創豆腐減肥法減肥，每日隻食兩包梳打餅，夜晚食一磚豆腐同兩條菜，「維持4個月，由原本接近140磅減到123磅，其實以前未生女時得120磅，總之依家肥少少就用呢個方法去減。」

　　忍住口渴

　　因為減得辛苦，Elaine好小心飲食。上周六晚，Elaine現身跑馬地，隻見看來極口渴的她一泊好架車，一邊用handfree傾電話一邊急急腳行入便利店並直接行去飲品櫃前，望足兩分鍾都零頭緒，不想飲加工肥仔水又不想飲淡而無味的水，Elaine放棄轉往買煙，期間Keep住講電話，長期煙民買完煙即急上車離開。