去年九月與王菲世紀複合的謝霆鋒，見女友大女竇靖童遺傳了媽咪靚聲與歌唱天分，亦有意加入樂壇，於是見獵心喜，密謀將童童羅致旗下，打造第二個王菲，甚至找到阿菲幫幫。以為近水樓台，食硬!可惜“鋒菲”複合後，王菲屢被張栢芝粉絲網上攻擊，童童亦受牽連，被嘲笑有三個老豆，不想自己的事業同老豆拉上關係，童童一口拒絕霆鋒，選擇落筆簽約王菲經理人陳家瑛兩年，正式進軍樂壇。

竇靖童

　　媽咪力撐

　　今年一月才滿十八歲的竇靖童，兩年多前首度在網上公開自彈自唱原創作品《 With You》後，即被讚聲音媲美天後媽咪王菲，自此，童童持續在網上發聲，並獲一致好評。

　　“其實童童細細個已經好鍾意唱歌，??時阿菲都無諗過佢大個之後會做歌手，直至童童喺網上公開自己作品，先知佢對唱歌一直都咁有興趣。阿菲知道童童好想做自己嘅音樂，都俾咗好多鼓勵個女。”王菲友人說。

　　分手十一年，霆鋒與王菲再續前緣，原來亦同兩個女兒有關。

　　“兩年前，??時仲未同李亞鵬離婚，阿菲想將兩個女嘅成長片段拍成片，趙薇提議揾‘ PO朝霆’做製作，霆鋒對呢個 project好緊張，事事親自接頭，阿菲講咗好多兩個女嘅嘢，??時童童正值反叛期，性格似足??仔年代嘅霆鋒，所以好有共鳴，分開十一年兩個人再聯絡，竟然一啲生疏感覺都冇。”