事業愛情行運，難怪胡定欣回應結婚一事時，春風滿麵笑曬：“我同男朋友關係非常好!”忙完《點金勝手》，正式埋位做沈太囉!
胡定欣自去年與 Patt拍拖後，不時大曬恩愛，胡更火速進駐男友於渣甸山愛巢，一於同居試婚。向來戀愛大過天嘅胡定欣已經 32歲，據知男友於幾個月前求婚成功，仲揾定好友張敬軒和胡杏兒做伴郎伴娘，為婚事做好準備。
胡定欣同男友 Patt戀情逐步明朗化，經常糖黐豆孖住拍拖去街，幸福程度爆燈。
冧爆回應問到與男友 Patt正籌備婚事，胡定欣春風滿麵：“我同男朋友關係非常好!”個樣真係冧到爆?!
上周四( 24日)，胡定欣出席梁乃鵬(右下)歡宴《衝上雲霄Ⅱ》台前幕後仝人晚宴，全晚都笑容滿麵，仲孖住好姊妹杏兒密密傾，搞喜事人都開心啲!
飯局傾細節
“雖然 Patt同定欣隻係拍咗拖一年多啲，但兩個人感情真係好好。其實之前佢兩個一齊去蘇梅旅行??陣， Patt已經求咗婚，定欣好感動，個個朋友都知!加上定欣又到咗適婚年齡，都係時候啦!??家定欣打算忙完《點金勝手》就會搞婚禮，想喺農曆年前搞掂!伴娘伴郎梗係預杏兒同軒仔啦!佢哋最近成日約出嚟，傾點樣搞婚禮添!個個 friend都戥佢兩個開心!”胡定欣身邊人說。
據知胡定欣眼見圈中陳茵媺同陳豪婚姻生活甜蜜美好，已經過咗女人 30嘅佢，更加想快啲結婚生 B，免得做高齡產婦。
胡定欣 9月生日時，身邊一班好友如胡杏兒、胡蓓蔚、單立文等等，齊齊幫她慶祝，當然還有“未來老公” Patt啦。網上圖片
今年 8月，胡定欣同男友 Patt拍住拖去蘇梅旅行，定欣心情大靚，大騷三點式，有廣告界男友摣機，梗有水準啦!
“關係非常好”
本刊上周四( 24日)於活動後問胡定欣，與男友 Patt籌備婚禮一事，她笑曬答：“其實呢啲新聞一年都會傳幾次，但我話你知係唔會結嘅!(咁同男友關係?)我哋??家關係非常好。(男朋友求咗婚?)咁又未?!(咁你到咗適婚年齡，呢 2年會唔會結婚?)我暫時都未諗，呢 2年都係工作為主。”胡定欣雖然例牌否認婚訊，但個冧樣完全 ready等嫁?!
