流感肆虐楊冪禁小糯米出外拜年 劉愷威想再生娃

　　今年是楊冪劉愷威同女女「小糯米」的首個農曆新年，爺爺劉丹看著8個月孫女的自然開心，年前就張揚會帶孫女見親戚派利是。豈料楊冪感冒，不但婉拒親友上劉宅拜年，更以流感肆虐為由，禁止小糯米出外拜年，劉丹局向親友開空頭支票。

　　劉愷威亦認老婆對女兒十級緊張︰「我抱下女兒都要戴口罩。」更是為了家中大家的健康，今年謝絕拜年。

　　劉愷威想再生娃

　　劉愷威講到明追多一個：「我喜歡熱鬧，所以過幾年或者再要一個小朋友!」

　　楊冪生病

　　2月 25日，楊冪在微博話自己感冒，雖然好攰，但時差關係瞓唔到覺，難怪心情麻麻。

　　劉丹與一班《愛.回家》演員感情要好，黎諾懿等人在劉愷威結婚時，更贈送楊冪多款金器。不過據知眾人今年都冇得上劉家拜年。

　　周日( 1日)，楊冪由香港返回內地出席活動。在機場現身的她有助手攞行李，看來心情不錯。

　　上年父親節，劉愷威大曬與女兒合照，這亦是小糯米唯一一張容貌曝光的照片。

　　楊冪為女吃醋

　　小糯米周一( 2日)第一次講說話叫「爸爸」。劉愷威心情自然靚靚，楊冪就扮唔押醋，話有人對住公仔都係叫爸爸。劉愷威即刻冧番老婆，但留言話明係女女叫自己做爸爸。

　　小糯米黐爹的

　　講起小糯米，劉愷威冧爆，更自爆小糯米黐佢多過黐媽咪。「今個新年我真係抱女抱番夠本。小糯米好似鍾意我呢個爹的多啲，呢個女好奇心好重，聽到有少少聲就周圍望，見冇人理佢，佢又會o依o依哦哦，成個管家婆咁。」

　　劉愷威又話想同小糯米追個細佬妹。「我鍾意熱鬧，小朋友有兄弟姊妹，至知道乜野叫手足之情，所以過幾年或者再要多一個小朋友，睇緣份啦!我同太太有共識，趁呢幾年賺多啲錢，個女大啲就多啲時間陪佢，因為佢依家已經識認人。」楊冪肯再造人，看來小糯米好快做家姐!

　　當眾換片

　　楊冪初三來港時，在機場被網友發現她親自替女兒當眾換尿片。

　　楊冪不時為女兒扮靚，早前更把她打扮成國寶，勁搞笑。

　　為了趕回家過年，劉愷威早前趕住為內地劇《千金女賊》埋尾。他飾演黑幫幫主，和內地女星唐嫣及台灣型男楊右寧合作。