陸永繼與雞排妹拍 肉搏戲 臨場龜縮減戲份

　　已為人夫的粗夫組合成員陸永繼上年有機會同索爆中女張慧儀拍嘴戲後，早前又跟台灣E奶雞排妹鄭家純合作三級片《台北夜蒲團團轉》，雖然雞排妹在戲中剝完又剝，但初次拍「肉搏動作戲」的陸永表現「無能」，竟臨場龜縮，要求導演減戲份，有 E胸都不敢XXX。

　　步步為營

　　錢國偉明醒陸永!在新片《台北夜蒲團團轉》中安排他與台灣 E奶雞排妹拍一場剝剩胸圍的埋身肉搏，點知平時口花花的陸永原來得棚牙。

　　辣 E奶幾激都冇所謂，但陸永全程步步為營，正式埋位前，已經跟對手約法三章。

　　「我第一次拍呢啲戲，好緊張!事前夾好曬第一嚇會摸邊個位，之後又會摸邊一個位，總之清清楚楚，因為有溝通，可以唔使 NG好多次，呢場戲一次過搞掂。」陸永說。

　　試過拍肉搏戲被抽水甚至被摣胸，要當場反麵收科的雞排妹，麵對驚青陸永，雖然要主動帶對方入戲，甚至自動波向他採取攻勢，但事後亦在人前盛讚陸永夠君子。

　　雞排妹需要剝剩胸圍同唔覺意曬 T-back底褲邊。

　　跳上身

　　摸腳

　　要求減戲份

　　陸永亦坦言，自己唔夠班!

　　「雖然事先知道要拍呢類場麵，但情況究竟有幾激，都係埋位前至知，一叫 roll機我已經不斷震，今次係我最終極，始終自己唔係『動作』演員，其實我當時都有提出，叫導演減我戲份，但愈叫愈衰，反而愈加愈多，搞到我騰曬雞。我當時冇剝衫?，全部都係對方剝。」

　　電影快將上映，但陸永到如今仍未睇過試片，埋位當日亦唔敢膽睇 playback。「講同做根本係兩回事，好彩一 take搞掂，之後仲要雞排妹調轉頭安慰我，拍嗰陣佢仲鼓勵我話好快拍完，叫我做好啲就可以早啲收工。」講就天下無敵的陸永，今鋪輸曬!

　　戲中另一巨咪女角，是 36F的台灣模特兒張永歆。

　　金剛在戲中扮 gay，都要著緊身透視褲曬粗腿。

　　雞排妹早前出席電影宣傳活動，已經搏曬命曬心口。

　　雞排妹來港出席宣傳活動，會約埋寸嘴 Barbie行街食飯。

　　已經有兩個女的陸永，經常放全家福在微博曬幸福。

　　男女戰

　　錢國偉執導一係列《夜蒲》片，擺明溝女片，由於眾多男女角，要從中突圍確唔容易，第一集的陳靜 DaDa就憑跟男神王宗堯曬巨咪床戰彈出，之後她在影圈平步青雲攞埋最佳女配角，第二集的沉震軒就同劉羽琦蘭桂坊打野戰而出曬位，不單在頒獎禮有提名，更在無綫由二打六升呢男二。至於第三集的羽僑，亦豁出去撇歌手形象，跟韓仔在溫泉騷胸肉搏。